రండి ఉత్సాహించి పాడుదము
రక్షణ దుర్గము మన ప్రభువే

Verse 1
రండి కృతజ్ఞత స్తోత్రముతో
రారాజు సన్నిధికేగుదము
సత్ప్రభు నామము కీర్తనలన్
సంతోష గానము చేయుదము

Verse 2
మన ప్రభువే మహా దేవుండు
ఘన మహాత్యము గల రాజు
భూమ్యాగాధపు లోయలును
భూధర శిఖరములాయనవే

Verse 3
సముద్రము సృష్టించెనాయనదే
సత్యుని హస్తమే భువిజేసెన్
ఆయన దైవము పాలితుల
ఆయన మేపెడి గొర్రెలము

Verse 4
ఆ ప్రభు సన్నిధి మోకరించి
ఆయన ముందర మ్రొక్కుదము
ఆయన మాటలు గైకొనిన
అయ్యవి మనకెంతో మేలగును

Verse 5
తండ్రి కుమార శుద్దాత్మకును
తగు స్తుతి మహిమలు కల్గు గాక
ఆదిని ఇప్పుడు ఎల్లప్పుడూ
అయినట్లు యుగములనౌను ఆమెన్

To be updated soon